Mi Lunglawmmi Hna Nunning 5
Lunglawmhnak taktak hi lenglei thilri ruangah si loin chunglei deuh in a rak i semmi a si. Chunglei lungthin in i lawmh lo zongah lenglei hmurka ṭhat ngai khawh a si nain lunglawmhnak taktak cu chunglei lungthin in aa semmi a rak si. Aa lawm taktakmi, mi lunglawm kan si le si lo tahnak panga a tanglei ah ka vun langhter.
- Lawmhnak taktak a comi hna cu midang cungah huatnak an ngei lo. Phundang in chim ahcun mi an hua hna lo. Nangmah le nangmah kha i chek hmanh huatmi na lungchung tein na ngeih ziar ahcun lunglawmhnak tling taktak na cohlang lo tinak a si.
- Lawmhnak taktak a comi hna nun cu midang sining he an i tahchunh lo. Anmah sining teah an i lungsi i an hnangam. An si khawh tawk tein an i zuam i an tincomi kha lunglawmh tein an cohlan peng. Na sining, na dirhmun cohlang loin mi na hngar sual maw?
- Aa lawmmi hna cu a luanciami nih an nun nih a tuai tuk hna lo. Hmailei kong zongah an lungre a thei tuk fawn lo. Phundang chim ahcun pawngkam thilcang nih lungretheihnak a pe tuk hna lo. Nangteh a luanciami kong le hmailei kongah na buai tuk ve maw?
- Lawmhnak a comi hna cu an thiltuahmi kip kha dawtnak he an tuah. Midang sinin thangthatnak an i ruahchan tuk lo. Thiltha tu kha an si khawh tawk tein an tuah. Phundang chim ahcun thangthatnak le laksawng an i ruahchan lo.
- Aa lawm taktakmi hna nun cu an thil tonmi kip kha thatnak in ruah khawh an i zuam peng. An zai bal lo. Nifatin na nunnak ah na zai tuk sual maw?
A cunglei panga zohchih in aa lawm taktakmi, mi lunglawm kan si le si lo theih khawh a si. —online
Leave a Reply