Nikhat Ah Kar Zeizatdah Kan Hlan Cio?

Minung kan takpum le kan lungthin damnak ding caah kan herh ngaimi cu cawlcanghnak rak ngeih hi a si. Abikin ke in lam kal, i chawh (walking) hna hi kan rak herh tuk hringhran. Nikhat ah kar zeizatdah kan hlan cio?

US ram ah mi tamdeuh nih a tlangpiin nikhat ah kar 3000 in 4000 karlak kan hlan ti a si. Zung ah a ṭhumi ca hrim ahcun lenglei cawlcanghnak an tuahchih lo ahcun nikhat ah an cawlcanghnak a tlawm tuk kho. 

CDC nih ruahnak a kan pekning ahcun nikhat ah kar 10000 (thong 10) hi kan hlan (kal) awk a si tiah an ti. Kar 10000 cu meng 5 a si i calories 200-300 karlak hrawng a khangh ee ti a si.

Nikhat ah zeitlukdah kar kan hlan cio timi cu kan phone in zoh khawh a si. Thong 10 tiang hi CDC nih ruahnak pekmi cu a si. Thong 10 tang kal a hlangmi nih thong 10 tlinnak in i zuam cio ding a si tiah ngandamnak lei nih cun ruahnak pek kan si. 

Nikhat ah kar thong 10 a hlang lomi na si ve ahcun kar thong 10 rak i sehchih ve.