Minung hi kan lungthin chunglei taktak cu a rak thurhnawmh tuk caah lenglei kan sining le kan lungchung ruahmi cu aa dang taktak khi a rak si. Kan pawngkam minung kan i bochan tuk sual tawn maw?
Minung sining an langhtermi ah;
Kan pawngkam minung ah zatuak 70 hrawng nih hin kan sining zei an thei tuk lo ti a si. Phundang chim ahcun zei an kan rel tuk lo tinak. Zawnruahnak, dawtnak le siaherhnak leiah.
Zatuak 20 hi kan chiatnak a kan hmutu, kan kong a kan ceih lengmangtu an si ee ti a si. Thiltha na tuah zongah an lawmhpi ko lai nain a lungthin taktak a rak si lai lo ti a si.
Zatuak 10 lawnglawng hi a kan daw taktaktu le kan zawn a kan ruat taktaktu cu an si ti a si. Cu zatuak 10 cu hodah an si?
Na pawngkam kha zoh hmanh! Sia an herh taktaktu, na zawn an ruattu le an daw taktaktu an tam hrimhrim lai lo.
Cucaah khoika kan um paoh ah tangdor nun hi cawn peng kan herh. Mi he bia i al, i dohdalh phun cu kan hrial khawh chungin kan hrial awk a si. Kan pawngkam ah minung kan i bochan tuk hna nakin Bawipa kan i bochannak nih hnangam daihnak a kan pek deuh.
——
Minung i bochan nakcun Bawipa i bochan cu a ṭha deuh; bawi i bochannak cun Pathian i bochan kha a ṭha deuh.
Salm 118: 8-9