Minthang Sihni Pa
New York ah a hlawhtling ngaimi kum note sihni (lawyer) pa bia an rak hal i a lehmi hna cu hihi a si. Ka nunnak ah a sunglawibik laksawng ka rak co balmi cu: Chrismas lai ka pa nih box hmete in laksawng a rak ka pekmi kha a si ko. Mah laksawng ahcun catlap in ca aa ṭialmi aa tel.
“Ka fapa, hmaikum thokin sml 365, kum khat caah nangmah he caan hmangṭi dingin laksawng kan pek; zanriah kan ei khawh paoh ah nangmah he sml pakhat caan kan hmangṭi cang lai,” tiah a ti.
Ka pa nih hin laksawng a ka pekning tein zanriah ei khawh paoh ah sml 1 caan a ka pek peng. Cu a laksawng cu kum fatin te a rak pehzulh. Ka pa caan peknak nih hi dirhmun hi a ka phakter. Laksawng a rak ka pek hlan ahcun ka pa nih hin caan a rak ka pe bal lo. Ka pa caan pek ding hi ka rak duh tuk. Ka rak hal nain kaa manh lo tiah a rak ti peng. Nain laksawng a ka pek hnu cun ka pa he caan kan hmangti kho i ka nunnak hi a tlamtling tiah a rak ti.
Thongtla pa
Thongtla pa pakhat cu thil sual a tuahnak kong he pehtlaiin biaceihzung a rak phan. Bia an ceih dih hnuah biahalnak an ngeih. “Na pa nai chinchiah maw?” tiah biaceihtu pa nih a vun ti. Ka pa hi fiang tein ka theih ko.
Ka pa caan peknak hi ka rak herh, a duh zong ka rak duh tuk nain ka pa nih a caan a rak ka pe bal lo. Ka ngakchiat lioah ka pa sinin lentecelh ding le ruahnak hal dingin ka rak kal paoh ah ca a ṭialnak computer hram in a mit aa rengh i a ka zoh, a chimmi cu “kal zok, kaa manh lo tuk hih. Nangmah tein i tiam ko,” tiah a ka rak ti peng.
Ka pa nih a rian kha biapibik ah a rak chiah i caan a rak ka pek ballo caah pehtlaihnak ṭha kan rak ngei bal lo. Manh lo ngai le caan tampi pek in ka pa nih cauk a rak ṭialmi cu a lim nain keimah tu cu thonginn ah ka phan ko tiah a rak ti.
A cunglei tuanbia pahnih ah pakhat cu a pa caan peknak nih a hlawh a tlinter i sihni minthang ah aa chuah. Pakhat pa ve cu a pa caan pek lonak nih thonginn ah a phakter ve.
Fale caah hringtu pale caan peknak hi a rak biapi tuk hringhran.
GOD’S LITTLE INSTRUCTION BOOK FOR DAD