Hamas nih October 7 lio i Israel ram chung Kibbutz Nahal Oz an rak luh hnawh hna lio i an rak tlaihmi hna 200 renglo chungah US rammi nufa hna cu Hamas nih an thlah hna tiah thawng theih a si.
US rammi Judith Raanan le a fanu Natalie cu October 20, 23 Ningani ah Hamas nih an thlah hna i Gaza ramri in Israel ralkap kut ah an phan cang tiah IDF nih thawng an thanh.
Hamas nih tlaihmi 200 hna cu Gaza ah an nung in an um lai tiah zumh an si. An luatnak dingah Israel cozah nih aa zuam cuahmah. Tutan US rammi pahnih an luatnak kongah President Biden nih a lunglawmhnak zong a langhter.
Palestine cozah lei chimning ah October 7 in nihin tiangah Palestine lei minung 4000 renglo an thi cang tiah an ti. Hamas tuahsernak nih Israel lei minung 1400 renglo an thi ve. —BBC