- Nifatin nan nunnak lamthluan chungah hin hnulei ah kir lengmang hlah u. A luanciami caan cu zungzal ca in a liam cang caah a luanciami na sining kha ruat in i buaipi tuk hlah. Zeihmanh na tuah kho ti lai lo.
- Hmailei tu ah kal i tim u. Na hmailei caan ah zeidah ka tuah awk a si timi kha ruat law tuah.
- Na tuah khawh lomi le na sining nih a phak khawh lo dingmi kha rethei tukin i zuam tuk hlah.
- Na sining kha nangmah tein i cohlang. Mah sining i cohlan lo hi lungrawhnak le lungdonghnak leiah karhlan a fawi tukmi a si.
- Nangmah le nangmah i daw. Na ngandamnak biapi in ruat. Pum cawlcanghnak (exercise) caan hman tein tuah i zuam.Â
- Pathian nih an sitermi na sining te kha i cohlang. Na thathu hlah. Na sining nih a tuah khawhmi chungah i zuam.
- Pathian nih pahrang an pekmi pakhat khat kha i umpi sawhsawh hlah. Na pawngkam caah santlaimi si i zuam.
- Mi huatmi ngei hlah. Midang i bochan tuk fawn hna hlah. Na pawngkam ah an daw taktaktu an um tuk lo.
- Dawtu tampi ngeih dingin i ruahchan hlah. Nangmah nih minung tampi tu dawt i zuam.
- Nikhat ah kan rak chuak i nikhat chungah kan thi te ko lai. Hohmanh thihnak in an luat kho lai lo.Â
- I lawm zungzal ko. Na caan ngeihmi tamdeuh hi lawmhnak in hmang ko. Vawlei ah khualtlawngmi men kan si.
Leave a Reply